الموضوع دة يا جماعة هو ان شاء الله عبارة عن كل كلمة قالها دكتور ايمن فى الحصة الاولى لمراجعة العملى تقريبا علشان لو حد مش هيقدر يحضرها 
طيب نبتدى بقا

اولا الامتحان هينقسم الى:

1-الشيت عليه 5 درجات
2-التجارب عليها 15 درجات

هنتكلم النهاردة على التجارب:

باذن الله عادى ممكن تدخل الامتحان بتاع التجارب بكتاب العملى او شيت تجيبها من اوسكار دكتور ايمن هو اللى منزلها تقريبا يعنى متحفظش الخطوات هيبقى فيها الخطوات والارقام النورمال وال causes كمان يعنى مش مخلينكوا محتاجين حاجة خالص

طبعا تكتب الاسم ورقم الجلوس ورقم العينة 

هتلاقى ادامك صف test tubes نضيفة ومقلوبة و pipettes اللى هتاحتاجها

وهتلاقى ادامك كمان عينتين واحدة كبيرة ودى هتبقى الurine وواحدة صغيرة ودى هتبقى بتاعة
الphotometer
هنتكلم عنهم بالترتيب اللى مفضل تعمل بيه توفيرا لوقتك 

اولا هنتكلم على ال photometer 

طبعا هو هيكتبلك انت شغال على اية بالظبط creatinine ولا glucose ,
مثلا ال serum creatinine
هتكون معاك الخطوات امشى عليها بالظبط يعنى هتحط مثلا مثلا مثلا 2ml من ال creatinine هيبقى من اللى متكوب عليه test
مع 3ml من ال reagent
واعمل mix عن طريق انك ترج الانبوبة مش تفضل تقلبها وتعدلها علشان لو قلبتها ممكن تتلوث من ايدك افض رج فيها يمين وشمال لحد ما يبقى كلو لون واحد وبعد كدة هيكتبلك استنى مثلا 20 دقيقة

-مينفعش اقل من 20 دقيقة اكتر شوية ماشى لكن مينفعش اقل يعنى استنى 20 دقيقة وبعد كدة روح اقف فى طابور العيش اللى بيبقى على الفوتوميتر دة  ساعتها هتكون اعلى من 20 دقيقة شوية متقلقش مفيهاش حاجة

الدكاترة هيقولولك متعملش الstandard وهيدوك الارقام بتاعتو

طبعا وانت مستنى ال 20 دقيقة سيب ال Test tube على جنب واعمل تجارب الurine 

المعادلة اللى بتعوض فيها بتبقى موجودة معاك فى الورق

الرقم اللى انت بتقيسوا بيبقى ال absorbance of test

وعلى السبورة هيبقى مكتوب ال absorbance of standard & concentration of standard

وبعد ما تعوض فى المعادلة الرقم اللى طلعتوا دة هيبقى ال concentation of test

والوحدة بتاعتوا اكتبها نفس وحدة ال concentration of standard اللى مكتوبه على السبورة

اسالهم العينى دة fasting ولا اية علشان تعرف هتقارن الرقم اللى طلعلك بانى normal range

أحفظ اسباب ال abnormality علشان ممكن تجيلك فى الشيت

ملاحيظ مهمة:

-لازم الانبوبة بتاعتك تكون dry & clean جدااااااااااااااا علشان القياسات تطلع مظبوطة

-ال solution لازم يكون homogenous -ما علينا اكيد كاتباها غلط- بس المهم يكون كلو متناسق وبالتالى لازم ترجها كويس وتتاكد ان الmixing كويس اوى

-اعمل pippeting صح ازاى -سؤال وجيه-

--استخدم احسن الاحجام الصغيرة مع النسب الصغيرة والاحجام الكبيرة مع النسب الكبيرة اللى انت عايز تاخدها علشان لو مثلا خدت 1ml ببتاعت ال5m ممكن لو غلطت او زودت سنة صغيرة تبقى اخدت كمية كبيرة بالنسبة لان شغلك اساسا على 1ml ما علينا

--الpipet لازم تكون نضيفة جدااااااااااااا وناشفة وبردو ايدك لازم تكون نضيفة وناشفة علشان تقدر تاخد نسب مظبوطة والsolution ميفضلش يقع منك

--وانت بتاخد العينة خدها وال pipette vertical ولما تخلصها خليها تبقىhorizontal علشان ميقعش منها حاجة وبعد كدة خدها وحطها فى ال test tube بتاعتك

--بالنسبة لو عايز تاخد مثلا 1ml ب pipet 1ml المفروض ان الsurface of solutions بيبقى ليه concavity خلى اسفل ال concavity دى عند رقم 0 مثلا


هايل جدا احنا دلوقتى فى مرحلة اننا سايبين الtest tube لمدة 20 دقيقة مثلا

دلوقتى هنعمل الurine

2- دلوقتى هنتكلم عن تجارب ال urine

فى شوية قواعد عايزين نحطها فى الاول كدة 

-اكتب فى الاول ال physical propeties حتى لو مكتبتهاش وكتبت العناوين الرئيسية بس علشان متنسهاش

-مش مطلوب منك كتابة الخطوات

-هما اربع tests بس اللى هتعملهم على الurine اى واحد تانى مكتوب فى الكتاب مش علينا

- زيادة ال volume مش شطارة دة هيتعبك اكتر واحيانا هيبوظ شغلك

-اعمل كل الاربع تجارب بتوع الchemical عليها حتى لو عرفت هى فيها اية لان ممكن يجيبلك عينة فيها اكتر من حاجة

- لكل تجارب ال urine لو ظهرت فيها نتيجة يبقى كتر خيرها مطلعتش نتيجة سيبها على جنب وروح اتفسح شوية على راى دكتور ايمن  يعنى اديها وقتها وسيبها براحتها خالص ولما تخلص تبقى بص عليها علشان تتاكد لان فى حاجات بتبقى مخففة او من الاخر يا جماعة احب اعرفكوا اننا بيضحك علينا  دة مش urine اساسا دى ميااااااااااااااااااااا  فممكن تكون فى اى حاجة مغشوشة فى المواد اللى انت شغال بيها  فلو ملقتش response سيبها تاخد وقتها يمكن تكتشف تاثير بعد فترة 

ها اتفقنا طيب ازاى بقا اكتب urine report

1- زى ما قولنا اكتب الphysical properties وسيب مكانها فاضى لان انت لما تعرف العينة دى فيها اية هتساعدك فى انك تعرفها وكمان فى حاجات معينة لازم تتكتب مع حالات

ممكن تعمل بس بتاع الspecific gravity فى الاول وهنتكلم عنها فى الاخر ان شاء الله ولو مش عايز دلوقتى وهتعملها بعد ما تخلص التجارب اوك ولو خلص اللى معاك فى التجارب وعايز تجيب تانى قول لعمو يجيبلك عادى خالص 

اية بقى العنواين الرئيسية لل physical properties
7 حاجات

- volume
- colour
- aspest
- odour
- reaction
- sediment
- specific gravity

طيب هنتكلم عليها بعدين علشان نحافظ على ترتيب الشغل ماشى 

هتعمل جدول كبير مكون من تلت خانات بالعرض هيتكتب فيها بالترتيب test ثم observation ثم result
وتلت خانات الطول مكتوب فيها اسامى ال Tests وفى خانة عريضة تحت هنكتب فيها conclusion
وبعد ما نخلص كل دة هنكتب ال comment تحت

طيب بردو نتفق على كام حاجة كدة 

لو قالك حط 2ml يبقى قد عقلة صباع
لو قالك حط 5ml يبقى ربع الانبوبة
لو قالك حط 10ml يبقى نص الانبوبة
لو قالك حط 20ml يبقى الانبوبة كلها

-لو بصيت على العينة ممكن تلاقى فيها شوية حاجت مترسبة تحت
لان من الاخر كدة كل الحاجات اللى هنقولها دى مبتبقاش موجودة فى الurine الحقيقى اللى بيبقى فيه albumine
واساسا دة بيبقى clear بس دة اساسا مش albumine دة egg white ما علينا المهم يعنى هتعمل كالاتى

-خد انبوبة نضيفة وناشفة واعمل بضهرها mix كويس اوى علشان ممكن يكون كلو percipited تحت

فقلب كويس اوى بذمة وضمير بس متكسرش الحاجة

-املا تقريبا الانبوبة لغاية قرب الاخر حتى لو قالك املا 10ml بس

-سخن الانبوبة من الupper part بتاعها ما تسيبهاش كتير اوى يعنى اعمل مجرد early boiling اول ما تشوف ال pubbles ابعدها وبص عليها هيطلعلك حاجة من اتنين

*ممكن تطلعلك white clouds جوا طرف ال solution نفسو و فى coagulation ليه

ساعتها هتكتب فى خانة ال test
heat coagulation test
فى خانة ال observation
white clouds increased with 2 drops of acetic acid
فى خانة ال Result هتكتب
presence of heat coagulated proten ex:albumin

*ممكن متطلعلكش حاجة ساعتها هتكتب بالترتيب اللى فات دة جوا الجدول كدة

heat coagulation test
no coagulation
no albumin urine




-حط 5ml يعنى ربع الانبوبة benidect

-حط 1ml urine يعنى حبة صغنين

-اعمل mix كويس

-بعد كدة prolonged poiling من ال lower surface
طيب ازاى نعمل prolonged poiling من غير ما نكسر الانبوبة
سيبها شوية لغاية ما تعمل pupples وتبدا تفور وبعد كدة ابعدها تلت ثوانى كدة تهدى وبعد كدة رجعها على النار تانى وهكذا

هيطلعلك حاجة من اتنين

* disturbed solution وفيه لون برتقانى غامق او فاتح او اصفر يعنى بيبتغير لونوا وهو فى ايدك ساعتها هتكتب فى الجدول بنفس الترتيب اللى فات
benidect test
brown PPT
presence of reducing sugar urine ex: glucosoria

*لو ملقتش كدة سيبها شوية زى ما اتفقنا واعمل اى حاجة تاينة لو ملقتش بردو يبقى هتكتب كدة فى الجدول

benidict
no PPT
no glucosoria


-املا الانبوبة قرب الاخر علشان لو ملت حبة صغيرة ممكن شوية بودر ينزلوا لتحت بفعل ال gravity

-حط بعد كدة شوية powder

هتلاقى حاجة من اتنين

* يا اما البودر بدات تنزل لتحت هتكتب كدة فى الجدول

hay sulfur test
sinking of sulfur powder
bile salts present

*او لاقيتها لسه فوق سيبها شوية واعمل اى حاجة تانية ممكن بعد فترة تلاقيها اترسبت تحت يبقى تكتب زى اللى فات لانى احب ابشركوا ان اللى انتوا بتشتغلوا علية دة مش bile دة صابون سايل وممكن يكون مغشوش ولا حاجة فسيبوها فترة

لو ملقتش خالص بعد فترة اكتب كدة فى الجدول

hay sulfur test
no sinking of powder
no bile salts present


شوية ملاحيظ مهمة اوى 

-الانبوبة لازم تكون مغسولة كويس اوى
-وايدك لازم تكون غاسلها كويس جداا ومنشفها وميكونش فيها اى صابون خالص لان لو فى ايدك صابون ومسكت البودر بايدك هتخليها تنزل لتحت حتى لو العينة مفيهاش bile


-حط 5ml من الurine ربع الانبوبة

- حط amoniom sulfat بكمية كبيرة بحيث ان المحلول يكون saturated يعنى افضل حط ورجها كويس لغاية ما يبقى فى جزء مترسب فى الاخر

فى طريقة تانية احسن علشان تضمن بيها انو يكون saturated

حط ربع الانبوبة amonim sulfat -جيب ورقة وحط عليها شوية كريستالز كتيرة منو وحط الكريستالز فى الانبوبة وغطيها بال urine وبعد كدة اعمل mix على فكرة كل ما تزود الامونيم سالفات يبقى احسن

-حط 2 drops من ال Na nitro glcrid بصراحة مش فاكرة اسمو اوى المهم حط منو نقطتين

- حط 2ml amonia

-اعمل mix تانى بذمة وضمير

لما تكون وصلت لاخر خطوة ولسة فى شوية مترسبين يبقى انت شغال صح

هتلاقى حاجة من اتنين

* لقيت لون يبقى هتكتب فى الجدول

rothers test
violet colour
kiton bodies present ex: aceton

*لو ملقتش لون هتسيبها بردو على جنب كالعادة وروح اتفسح شوية فى المعمل لو لقيت لون طلع اكتب زى اللى فات لو بعد فترة ملقتش لون يبقى هتكتب فى الجدول

rothers test
no violet color
no kiton bodies presence


تم بحمد الله انهاء التجارب  هتشد سطر وفى اخر خانة فى الجدول تحت
هتكتب ال conclusion
لو ملقتش فى ال urine دة اى حاجة اكتب
it might be normal
لو لقيت فيه حاجة او اتنين او ايا كان اكتب فيه كذا وكذا وكذا

بعد كدة شد سطر واكتب الcomment واحفظ الاسباب علشان ممكن تيجى فى الشيت


نرجع تانى بقا للphysical propertiesاوعوا تنسوها

*volume : sample

colour : amber whitish*

الا لو كان فيه albumin يبقى لازم تكتب whitich yellow مهمة جدااااااا

ممكن لو فيه bile يبقى لونوا grenish yellowish

من الاخر كدة متضحكش على نفسك اللون اللى شايفوا اكتبوا بغض النظر عن دى اية الدكتور قالنا كدة

* oudour

اكتب الحقيقة لانها ميا اساسا وهما عارفين كدة
odourless

لو عينة keton bodies اكتب acetic odour مهمة جدااااااا

لو عينة albumin اكتب bad odour

*aspect

بردو اكتب الحقيقة

كلو اكتب معاه clear

ما عدا ال albumin لازم تكتب معاه turbid مهمة جدااااااااا

*reaction

-املا النبوبة للاخر ونزل فيها جزء من الورقتين

-وبعد كدة طلعهم برا واستنى دقيقة او دقيقتين وقارن الجزء المبلول بالجزء الناشف

لو لقيت

no change يبقى دة neutral
الحمرا ازرقا يبقى دة alkaline
الزرقا احمرت يبقى دة acidic

المرفوض ال urine كلو يبقى acidic لكن بما ان دى ميا يبقى اكتب اللى هيطلعلك

* sediment

بص على ال urine لو لقيت فيه فتافيت صغيرة بتاعة ال Albumin الوحيدة هى اللى هتكتب فيها whitich sedment

لكن الباقى اكتب no sedment

* specific gravity

-بجهاز ال urinometer

-هتلاقى ادامك مخبار مدرج املا المخبار قرب الاخر

-اغسل البتاعة اللى بتحطها جواه دى -مش فاكرة اسمها اية -كويس اوى لانها مشتركة بينك انت وكل الل على البنج فعلشان متلوثش الurine بتاعك

-لو لزقت على الwall ابرمها برمه صغيرة

-ونزلها براحة عادى مش لازم حركة البالية اللى بنعملها دى

-اقرا عدد الشرط اللى فوق سطح الurine انزل بمستوى نظرك ليها علشان تشوفها كويس لو لقيت مثلا 20 شرطة فوق سطح الurine يبقى قول 1020

وبعد كدة عوض فى المعادلة بتاعت درجة الحرارة هتكون معاك فى الورق ودرجة الحرارة على السبورة 

ال specific gravity ملهاش unit 

تم بحمد الله 


(copy available at oscar)